ბავშვობა
მამა გაბრიელი დაიბადა თბილისში
თეთრიწყაროს11 ნომერში, წმინდა ბარბარეს ეკლესიის მახლობლად, ოჯახში სადაც
ქრისტეს ხსენებაც კი მკაცრად იყო აკრძალული. მამა-ვასილ ურგებაძე
კომუნისტი გახლდათ, რომელიც მეუღლეს დაემუქრა, რომ თუ ქრისტეს იწამებდა
არც მას დაინდობდა და არც შვილებს. ვასილ ურგებაძე მამუკინის (ნავთლუღის)
სოფლის საბჭოს თავმჯდომარე, ამავე დროს შინსახკომის წარმომადგენელი იყო.
1931 წელს ვასილ ურგებაძე შეთქმულებმა ჯერ ყელსახვევით გაგუდეს შემდეგ კი
ტყვია ესროლეს. მამის გარდაცვალების შემდეგ მამა გაბრიელს მოფერებით
ვასიკოს ეძახდნენ. პატარა ვასიკო მოულოდნელად ავად გამხდარა, მის
გადარჩენას არავინ ფიქრობდა მაგრამ მოულოდნელად გამოჯანმრთელებულა და
თამაში დაუწყია.